थोर तुझे उपकार

             प्रेम माया आपुलकी जिव्हाळा राग आणि लाड या जगात माणसाला हव्या असणाऱ्या गोष्टी आहेत. या सगळ्या गोष्टी माणसाला फक्त आईकडूनच मिळत असतात (काही अपवाद वगळता).खर तर आई या शब्दाचा अर्थ आ म्हणजे आत्मा आणि इ म्हणजे ईश्वर असा होतो. पण प्रत्येकजण आपापल्या सोयीनुसार आई या शब्दाचा अर्थ लावत असतो. आई या व्यक्तीच जग हे तिच्या मुलापासून सुरू होत आणि त्या मुलापर्यंत खऱ्या अर्थाने संपत असते म्हणूनच आईला जननी म्हणून ओळखले जाते.
             सासर साठी माहेरचा त्याग केलास पती आणि मुलांसाठी स्वतःच्या स्वप्नांचा त्याग केलास आणि संसाराची गाडी ओढलीस. कास करावं तुझ्या या त्यागाचे कौतुक याचे उत्तर कधी मिळणार नाही.
बालपण किती सुंदर होते काहिजरी झालं तरी हळूच तुझ्या कुशीत येऊन सगळ विसरायला व्हायचं तरुणपणात या अंधुक जगात आलोय मात्र खरं पण या जगाची खरोखर भीती वाटू लागलेय, क्षणोक्षणी ह्या जगातल्या जाणिवांचे भय इथले संपत नाही.
             शाळेत जाताना खूप भीती वाटायची, त्यावेळी बाबा खूप मारायचे तेव्हा तुझ्या पदरामागे लपण्यात किती थारा वाटायचा. आता office ला नायचे नसेल तर resignation letter चा मार नक्कीच बसेल असा आत्मविश्वास नक्कीच आहे. तू नसशील जेव्हा कोण पाठीशी घालेल मला? याच विचारानं अंग थरथर कापायला लागत बग.
             शाळेत मस्ती केल्यामुळे principal सरांनी तुला शाळेत बोलवायचे त्यांच्यासमोर ओरडण्याचं नाटक करणे, प्रत्येक सणाला माझ्या आवडीचे पदार्थ बनविणे, नवनवीन कपडे खरेदी करणे, कॉलेजला जाताना हळूच बाबांच्या खिशातून पैसे काढून देणे, कॉलेज मध्ये लफडी केली असता घरी बाबांचा चोप बसणार हे माहीत असूनसुध्दा मध्ये पडून माझी बाजू घेणे, तुझे ते हळवं अस रागावणं त्यातून माझे ते रुसवे फुगवे मग मला जवळ करून मायेने समजावणे हे माझ्या आयुष्यातील सर्वात सुंदर क्षण आहेत.
              बघता बघता कधी मोठा झालो कळले नाही , तुझ्या या पाखराला पंख कधी फुटले कळलेच नाही. झेप घ्यायला आकाशात तयार आहे बघ, ठरवलंय आता कितीतरी अडथळे आले तरीही थांबणार नाही आणि क्षितिजापर्यंत गेल्याबिगर राहणार नाही.
               धन्य झालो तुझ्या पोटी जन्मलो आता जीवन सार्थक करण्याची वेळ आहे.....